Ta bareng-bareng bangun Desa ekan Kelompok Usaha / Pemberdayaan Warga

source gambar : google

Lenek_pesiraman – Taon anggaran 2018 Pemerintah Desa Lenek Pesiraman gn na berfokus le pemberdayaan ruana, sengak ngeno ruana pok na inik maju prekonomian warga no. Mun na bangunan fisik doang ta kluluk gawek jauk ndkna gn inik tutuk ruana penbangunan ine, bilang taon arak doang gnta periri. Marak misal taon ine 2017, fokus Lenek Pesiraman mavingin gang-gang si arak le gubuk-gubuk, laguk dimin ngeno masi doang arak gang si ndkman ketempu si paving. Munta gn nenurutang kmelenta memavingin ato nehl in gang jak sang kiamat doang ji tutukna.

Engan Pemberdayaan gnta nyobak mengangkat perekonomian warga ekan hal-hal si bcik, marak misal ta brdayaan kelompok-klompok usaha si arak le gubuk-gubuk ni, en na arak warga mele miak paving gnta sobak latih a dait beliang ia peralatan na kadu miak paving, en na arak mele ngelas sknoan juak masi, gnta latih ia pok ta bliang ia mesin las.

Pelatih no na bau si wah kompten gn ta datengang, antek ndk ke na miak doang na tao laguk masarang ia ndkna tao, pada kenana so ndk ta mgawean mun ta skdar tao miak doang pok dek ta tao jual a. Na bau apa si taok na warga na jangka bau isikta nyuport a dait na sampe brua kepeng.

Keinginnan Pemerintah Desa Lenek Pesiraman ine mudah-mudahan so na dukung ia si selapuk warga, dait ndk na pada seling talon ateang le perjalanan na, aren jak ta megawean arak doang si merasa ndk ta ngeluluk a.

Taon 2018 ine sang gnta sobak berdayaan Kelompok si wah arak Sumber Daya Manusia na bejuju, marak misal kelompok las si arak godang las na laguk kekurangan modal ino ruana ta suport bejulu, harepanta kelompok si wah pada tao ine bau ngajar batur-batur si lain le jelo si mudi. Ngeno juak kelompok Ternak dait Pertanian, si arak lahan na gnta pejuluk endah, maksud ta endah pada antek na tao bekek baturna le jelo si mudi.

Ta harepang kelompok-kelompok si arak le gubuk no na jelap koordinasi si Pemerintah Desa no antek ta jelap nyusun anggaran no ji penyesuaian Anggaran 2018, ndk jemak laun paran na ita si ji Pemerintah ndkta perduli le Kelompok-Kelompok na pada.

Be the first to comment

Leave a Reply

Alamat email Anda tidak akan dipublikasikan.


*


This site uses Akismet to reduce spam. Learn how your comment data is processed.